Bluomenrot - Estampie

Ich froie mich manger bluomen rot

die unzs der meie bringen wil.

Die stuonden e in grozer not.

Der winter tet in leides vil.

Der meie wil uns ergetzen wol

mit manegem wünneclichen tage.

Des ist diu welt gar fröiden vol.

Waz hilfet mich diu sumerzit

und die vil liehten langen tage?

Min trost an einer frouwen lit

von der ich grozen kumber trage.

Wil si mir geben hohen muot,

da tuot si tugentlichen an,

und daz min fröide wirdet guot.

Swan ich mich von der lieben scheide,

so muoz min fröide ein ende han.

Owe, so stirbe ich liht von leide

daz ich es ie mit mir began.

Ich weiz niht, frou, waz minne sint.

Mich lat diu liebe entgelten vol

daz ich der jare bin ein kint.

daz ich der jare bin ein kint.

daz ich der jare bin ein kint.

daz ich der jare bin ein kint.