姑娘情

作词: 叶热岗

作曲: 佐庆丹真

演唱：曲忠&拉姆

བུ་མོའི་ངང་རྒྱུད།

ཚིག་རྩོམ་མཁན། གཡེ་རུས་རྐང་།

དབྱངས་རྩོམ་མཁན། རྫོགས་ཆེན་བསྟན་འཛིན།

གཞས་གཏོང་མཁན། ཆོས་སྒྲོན་དང་ལྷ་མོ།

བུ་མོའི་ལང་ཚོ་སྤང་གི་མེ་ཏོག་ཡིན།།

སྤང་གི་མེ་ཏོག་འདྲ་བའི་ལང་ཚོ་ཡོད།།

དབྱར་ཟླ་དྲུག་པར་བཞད་པའི་མེ་ཏོག་ཡིན།།

ཆ་མེད་མི་ཡི་ལག་པས་ཐུག་མྱོང་མེད།།

བུ་མོའི་སྐད་ངག་རྒྱུད་དྲུག་པི་ཝང་ཡིན།།

རྒྱུད་དྲུག་པི་ཝང་འདྲ་བའི་སྐད་ངག་ཡོད།།

བྱུ་རུའི་ཕྲ་རྒྱན་བཏགས་པའི་པི་ཝང་ཡིན།།

ཆ་མེད་མི་ཡི་སོར་མོས་དཀྲོལ་མྱོང་མེད།།

བུ་མོའི་སྐད་ངག་རྒྱུད་དྲུག་པི་ཝང་ཡིན།།

རྒྱུད་དྲུག་པི་ཝང་འདྲ་བའི་སྐད་ངག་ཡོད།།

བྱུ་རུའི་ཕྲ་རྒྱན་བཏགས་པའི་པི་ཝང་ཡིན།།

ཆ་མེད་མི་ཡི་སོར་མོས་དཀྲོལ་མྱོང་མེད།།

བུ་མོའི་སེམས་པ་ཁ་བཏགས་དཀར་པོ་ཡིན།།

ཁ་བཏགས་དཀར་པོ་འདྲ་བའི་བསམ་པ་ཡོད།།

འགྱུར་མེད་བརྩེ་བས་བསླས་པའི་ཁ་བཏགས་ཡིན།།

ཆ་མེད་མི་ཡི་སྐེ་ལ་བསྐོན་མྱོང་མེད།།

བུ་མོའི་བརྩེ་བ་ནས་ཆང་མངར་མོ་ཡིན།།

ནས་ཆང་མངར་མོ་འདྲ་བའི་བརྩེ་བ་ཡོད།།

བརྩེ་སེམས་འོ་མས་བསྙལ་བའི་ནས་ཆང་ཡིན།།

ཆ་མེད་མི་ཡིས་ཁམ་གང་འཐུངས་མྱོང་མེད།།

བུ་མོའི་བརྩེ་བ་ནས་ཆང་མངར་མོ་ཡིན།།

ནས་ཆང་མངར་མོ་འདྲ་བའི་བརྩེ་བ་ཡོད།།

བརྩེ་སེམས་འོ་མས་བསྙལ་བའི་ནས་ཆང་ཡིན།།

ཆ་མེད་མི་ཡིས་ཁམ་གང་འཐུངས་མྱོང་མེད།།

ཆ་མེད་མི་ཡིས་ཁམ་གང་འཐུངས་མྱོང་མེད།།

ཆ་མེད་མི་ཡིས་ཁམ་གང་འཐུངས་མྱོང་མེད།།