帝女花之庵遇 (Live) - 刘惠鸣/李淑勤 (Li Shuqin)

词：唐涤生

曲：古曲

孤清清 路静静

唉

哩朵劫后帝女花

怎能受斜雪风凄劲

沧桑一载里 餐风雨

续我残余命

鸳鸯劫后此生

更不复染伤春症

心好似月挂银河静

身好似夜鬼谁能认

劫后弄玉怕箫声

说什么连理能同命

念国亡 父崩母缢

妹夭弟离

剩我借一死避世敲经

孰怜驸马空枉有誓盟定

唉 怕忆劫后情 谁愿再认

只有飘飘落叶伴残命

一哭国土血尚腥

再哭父死未得葬皇陵

奈何佛法难护庇

唉 枉敲青磬

哀帝女 念尽阿弥

难把国魂 唤醒呀

唉 老姑姑

都经已于在月前死去咯

哩个新嚟嘅主持

佢都未识帝女花飘

更未解怜香惜玉

当此快雪初晴

便命我把山柴拾取

唉

正是不求乐昌圆破镜

只凭魂梦哭皇陵啫

我飘零犹似断篷船

惨淡更如无家犬

哭此日山河易主

痛先帝白练 无情呀 呀

歌罢酒筵空 梦断巫山凤

雪肤花貌化游魂

玉砌珠帘 皆血影

幸有涕泪哭茶庵

愧无青冢祭芳魂

落花已随波浪去

不复有粉剩脂零

冷冷雪蝶寻梅岭

曲中弦断香销劫后城

此日红阁有谁个悼崇祯呢

唉

我灯昏梦醒哭祭茶亭

钗分玉碎 想殉身归幽冥

帝后遗骸谁愿领 碧血积荒径

雪中燕已是埋名和换姓

今生长愿拜观音扫银瓶

唉吔 奇怪啦

点解哩个道姑既背影

咁似已死既长平公主既呢吓

莫非莫非幽魂现眼

唔会呀

如果系幽魂现眼

亦都唔会作道姑打扮嘎

事有跷蹊

待我叩门一问至得

哎呀 呢一度系清莲界庵堂地

我都要稍存礼仪

未敢造次

哎呀 你 哎呀 奇怪啦

何以佢闭门不纳呢

事更可疑 待我冲门而进至得

你

请问哩位施主冲门

系借茶抑或系拜佛啊

呃 我一不是借茶 二不是拜佛

不过有一句说话

想求师傅你点化唧

你 你何以闭门不纳呢

呃 呃系

庵内无人 主持都未返

俗世男女都尚且授受不亲

又何况系佛门清净地呢

哦 师傅

我好应该长拜佛门慈悲既

一问师傅你贵姓啊

呃 贫道俗身姓沈 法号慧清呀

吓 你叫做慧清呀

系

飘渺间 往事如梦情难认

百劫重逢佢缘何埋旧姓啊

夫妻断了情

唉 鸳鸯已定 烽烟已靖

我偷偷相试 佢未吐真情令我惊

唉

夭折红颜命

我愿弃凡尘伴红鱼和青磬

敲经断俗世情

虽则烽烟已靖 须知罡风也劲

我守身应要避世 休谈爱恋经

论理佢应该要把夫婿认

复合了 偷偷暗中唤句卿卿

公主 徽呢

吓 施主你叫唤何人呀

我叫唤公主啰

哦 咁公主又系施主你何人呢

公主系我妻房

吓

我话公主系我妻房啊

施主你叫唤妻房

应该在家中叫 房中叫

又何解会叫到囄佛门清静地呢

吓

俗世尘缘事 我唔愿听

你莫寻偶清规地

将观音两番误作湘卿

你 你似疯颠

我不禁失惊 暗中念句经

我今都已将剃度

半生梦已醒 劝君休错认

我才十岁咋

经栖身皈依佛法 一心拜神灵

你睇吓佢真系噉忍心

唔肯认我

呀 试问谁无骨肉之亲

父女之爱

等我讲下先帝崇祯嘅惨事

若果佢喊亲哩

不问而知就梗系公主嘎啦

复向前朝认

叹崇祯 巢破家倾

你可有为佢沉痛 沉痛敲经

灵台里 叹孤清 月照泉台静

唉 一对蜡烛也无人奉敬啊

啊 师傅你 你喊啦你

你紧系公主啦

施主 你错啦

皇帝系为我哋而死嘅

试问我哋又点可以唔喊呢

我哭故国凋零

问谁个能忘佢自缢在红阁

谢民爱甘牺牲性命

感先帝哭绝了声

深宫里有朵帝女花

佢嘅惨处你可再愿细听

哎呀

帝女花已遭劫难 我不愿再听

怕荒山冷静 谁愿与君孤单相对

犯了清规玷辱了名

施主

我知道你系一个伤心人

但系可惜哩处唔系一个伤心地

恕贫道不能奉陪

先行告退 阿弥陀佛啦

唉吔 师傅

我想求下你呀

你带我去烧香 忏下旧情

唉吔 唔得嘎

仙庵宝殿 多清净

不要凡人妄敲经

莫忘形 我劝君

劝君再莫染情狂病

更未许再留停