四海朋友聚雪域 - 勒毛措

词：日当呷扎

曲：加贝

ཤར་ཕྱོགས་ཀྱི་ཕྲག་ནས་མཆེད་པའི་ཉི་གཞོན་གྱི་གསེར་འོད་དེ།

གཡང་དཀར་གྱི་རྗེས་སུ་འབྱོར་བའི་སྙན་འགྱུར་གྱི་གླུ་སྐད་དེ།

རི་སྒང་ལ་ཚོམ་ཚོམ་བཞད་པའི་འཇམ་མཉེན་གྱི་མེ་ཏོག་དེ།

གཡུ་མདོག་གི་ཚལ་ན་ཤར་བའི་ལྷ་ཡུལ་གྱི་ཉམས་སྣང་དེ།

གངས་ལྗོངས་ཀྱིས་ཁྱེད་ལ་ཕུལ་བའི་དྭངས་གཙང་གི་སེམས་པ་ཡིན།

ལྷིང་འཇགས་ཀྱི་གོམ་སྒྲ་ཁུར་ནས་རྩྭ་ཐང་ལ་ཞབས་ཀྱིས་ཆོགས་དང་།

ཁྱེད་ཀྱི་མགུལ་ལ་དྲི་མེད་ཁ་བཏགས་འཐེན།

ཁྱེད་ཀྱི་སེམས་ལ་སྐྱིད་ཀྱི་དཔལ་ཡོན་སྒྲོན།

ཨེ་་་་་་་་་རྒྱལ་ཁམས་ཀྱི་གྲོགས་པོ་གྲོགས་པོ་ཚོ།

ཁྱེད་ཀྱི་མགུལ་ལ་དྲི་མེད་ཁ་བཏགས་འཐེན།

ཁྱེད་ཀྱི་སེམས་ལ་སྐྱིད་ཀྱི་དཔལ་ཡོན་སྒྲོན།

ས་ཆེན་གྱི་རྩེ་ནས་འཕྲོས་པའི་མཁའ་མཉམ་གྱི་བྱམས་བརྩེ་དེ།

འཛམ་གླིང་གི་བརྒྱན་དུ་བསྩལ་བའི་དྲང་བདེན་གྱི་བརྟུལ་ཞུགས་དེ།

མཐོ་རིས་ཀྱི་བདེ་སྐྱིད་འདྲེན་པའི་ཡིག་དྲུག་གི་དབྱངས་རྟ་དེ།

ཤེལ་དཀར་གྱི་རི་ལ་ཆགས་པའི་མི་ཡུལ་གྱི་ཞིང་ཁམས་དེ།

གངས་ལྗོངས་ཀྱིས་ཁྱེད་ལ་ཕུལ་བའི་དྭངས་གཙང་གི་སེམས་པ་ཡིན།

ལྷིང་འཇགས་ཀྱི་གོམ་སྒྲ་ཁུར་ནས་རྩྭ་ཐང་ལ་ཞབས་ཀྱིས་ཆོགས་དང་།

ཁྱེད་ཀྱི་མགུལ་ལ་དྲི་མེད་ཁ་བཏགས་འཐེན།

ཁྱེད་ཀྱི་སེམས་ལ་སྐྱིད་ཀྱི་དཔལ་ཡོན་སྒྲོན།

ཨེ་་་་་་་་་རྒྱལ་ཁམས་ཀྱི་གྲོགས་པོ་གྲོགས་པོ་ཚོ།

ཁྱེད་ཀྱི་མགུལ་ལ་དྲི་མེད་ཁ་བཏགས་འཐེན།

ཁྱེད་ཀྱི་སེམས་ལ་སྐྱིད་ཀྱི་དཔལ་ཡོན་སྒྲོན།

ཁྱེད་ཀྱི་སེམས་ལ་སྐྱིད་ཀྱི་དཔལ་ཡོན་སྒྲོན།