ཕྱིང་དཀར་ཞྭ་མོ།

白毡帽

ཚིག ཨ་ཕ་ཆེ་ཆེ། འབྲུག་ལྷ་རྒྱལ།

作词：阿爸切切/周拉加

དབྱངས། ནོར་བུ་དབང་རྒྱལ།

作曲：俄日西杰

ལེན་མཁན། ཇ་ཤིང་མེ་ཏོག

歌手：嘉驤梅朵

སྒྲ་ལེན་པ། རིན་ཆེན་དོན་གྲུབ། བརྙན་ལེན་པ།

བསྒྲིགས་སྦྱོར་བ། ཁྲོ་རྒྱལ་འབུམ། ཇུག་འགོད་པ། ཁྲོ་རྒྱལ་འབུམ།

ཨ་མགོ་ལ་རྩེད་ཡེ། མགོ་ལ་ཡག་པོ་ཕྱིང་དཀར་ཞྭ་མོ་ཡིན།

ལུག་ཆུང་ཚེར་མོའི་བལ་དཀར་དྭངས་རྩེ་ལ་ཡིན། ༼ཡེ༽

མགོ་རྒྱན་ཡག་མོ༼སོ༽ སྟོང་སྐོར་ཇ་ལ་ཡིན༼ཡེ༽

ཁ་རྒྱན་རི་མོ༼སོ༽ གོས་ཆེན་འཁོར་ལོ་ཡིན།༼ལོ༽

ཨ་མགོ་ལ་རྩེད། ཇ་ལ་ལྡེམ་སེ་ལྡེམ།

ཡ་ལ། ཁ་རྒྱན་གོར་སེ་གོར། ཕྱིང་དཀར་ཞྭ་མོ་ཡེ། ཡ་ལ སྤྱི་བོའི་གཙུག་ཏུ་བཀུར།

དབུ་རྒྱན་ཡག་མོ། ཨ་སྔོན་བཀུར་ཏུ་བཀྱགས་ལོ།

~

ཨ་མགོ་ལ་རྩེ་ཡེ། མགོ་ལ་ཡག་པོ་སྟོང་སྐོར་ཇ་ལ་ཡིན།

ཇ་ལ་དམར་པོ་ཕྱིང་ཞྭའི་གཙུག་རྒྱན༼ལ༽ཡིན།༼ཡེ༽

ཕྱིང་དཀར་ཞྭ་མོ༼སོ༽སྤྱི་བོའི་གཙུག་ཏུ་བཀུར།༼ཡེ༽

དབུ་རྒྱན་ཡག་མོ༼སོ༽ཨ་སྔོན་དགོང་ལ་བཀྱགས། ༼ལོ༽

ཨ་མགོ་ལ་རྩེད། ཇ་ལ་ལྡེམ་སེ་ལྡེམ།

ཡ་ལ། ཁ་རྒྱན་གོར་སེ་གོར། ཕྱིང་དཀར་ཞྭ་མོ་ཡེ། ཡ་ལ སྤྱི་བོའི་གཙུག་ཏུ་བཀུར།

དབུ་རྒྱན་ཡག་མོ། ཨ་སྔོན་བཀུར་ཏུ་བཀྱགས་ལོ།

~

ཨ་མགོ་ལ་རྩེ་ཡེ། མགོ་ཞྭ་ཡག་པོ་སྟོང་སྐོར་ཇ་ལ་ཅན།

ཁྲོམ་ཆེན་གྲལ་ལ་འཚོགས་དུས་ཤོམ་ཞྭ༼ལ༽ཡིན། ༼ཡེ༽

ཕྱིང་ཞྭ་དཀར་པོ༼སོ༽དུང་གི་ཁ་དོག་ཡིན།༼ཡེ༽

ཇ་ལ་དམར་པོ༼སོ༽མེ་ལྕེ་འབར་འདྲ་ཡིན། ༼ལོ༽

ཨ་མགོ་ལ་རྩེད། ཇ་ལ་ལྡེམ་སེ་ལྡེམ།

ཡ་ལ། ཁ་རྒྱན་གོར་སེ་གོར། ཕྱིང་དཀར་ཞྭ་མོ་ཡེ། ཡ་ལ སྤྱི་བོའི་གཙུག་ཏུ་བཀུར།

དབུ་རྒྱན་ཡག་མོ། ཨ་སྔོན་བཀུར་ཏུ་བཀྱགས་ལོ།