来吧 - 俄金群措

词：尕隆 洛松丹增

曲：文都哇 仁青

上传人：念藏仁青

ཕེབས་ཤོག ཕེབས་ཤོག

རྩྭ་ཐང་འདི་རུ་ཕེབས་ཤོག

རྩྭ་ཐང་གྲུ་བཞིའི་སྦྲ་ནག་སྨུག་པོའི་ནང་།

ཞོ་དང་འོ་མའི་མཆོད་པ་འདི་ན་ཡོད།

ཕ་དང་མེས་པོའི་འཛུམ་མདངས་འདི་ན་ཡོད།

བསོ་་་་ཤ་ཉེ་ཚོ། མི་རིགས་གོང་མའི་ཤུལ་བཞག་རྒྱུད་འཛིན་ཡོད།

བསོ་་་་་གྲོགས་པོ་ཚོ། ཕེབས་ཤོག་ཕེབས་ཤོག་རྩྭ་ཐང་འདི་རུ་ཕེབས་ཤོག

ཕེབས་ཤོག ཕེབས་ཤོག

རྩྭ་ཐང་འདི་རུ་ཕེབས་ཤོག

རྩྭ་ཐང་མེ་ཏོག་སྣ་མང་བཞད་པའི་ནང་།

གཡང་དཀར་ལུག་གི་འབའ་སྒྲ་སྙན་མོ་ཡོད།

རྟ་ཕོའི་འཚེར་སྐད་འབྲི་མོའི་ངུར་སྒྲ་ཡོད།

བསོ་་་་་་་ཤ་ཉེ་ཚོ། སྐར་ཚོགས་བཀྲ་བའི་གཡང་ཟོག་ལྷ་ཟོག་ཡོད།

བསོ་་་་་གྲོགས་པོ་ཚོ། ཕེབས་ཤོག ཕེབས་ཤོག རྩྭ་ཐང་འདི་རུ་ཕེབས་ཤོག

ཕེབས་ཤོག ཕེབས་ཤོག

སྦྲ་ནག་འདི་རུ་ཕེབས་ཤོག

སྦྲ་ནག་སྨུག་པོའི་ཕ་ཁྱིམ་འདི་ཡི་ནང་།

ཕ་དང་ཨ་ཁུའི་གླུ་དབྱངས་སྙན་མོ་ཡོད།

མ་དང་སྲིང་མོའི་ཞབས་བྲོ་ལྡེམ་ལྡེམ་ཡོད།

བསོ་་་་་་་ཤ་ཉེ་ཚོ། སྙན་པའི་དབྱངས་དང་ལྡེམ་པའི་ཞབས་བྲོ་ཡོད།

བསོ་་་་་གྲོགས་པོ་ཚོ། ཕེབས་ཤོག་ཕེབས་ཤོག་

སྦྲ་ནག་འདི་རུ་ཕེབས་ཤོག

ཕེབས་ཤོག ཕེབས་ཤོག

སྦྲ་ནག་འདི་རུ་ཕེབས་ཤོག

སྦྲ་ནག་ཚང་གི་སྤུན་ཟླ་འདི་ཡི་ནང་།

མཐུན་སྒྲིལ་ལྡན་པའི་ཕུ་ནུའི་དགའ་སྤྲོ་ཡོད།

ལྷ་དང་བླ་མའི་གསུང་དབྱངས་སྙན་མོ་ཡོད།

བསོ་་་་་ཤ་ཉེ་ཚོ། རྒྱབ་རི་རྩེ་ནས་བསང་མཆོད་ལན་གསུམ་འབུལ།

བསོ་་་་་་གྲོགས་པོ་ཚོ། ཕེབས་ཤོག་ཕེབས་ཤོག་གངས་ལྗོངས་འདི་རུ་ཕེབས་ཤོག

བསོ་་་་་ཤ་ཉེ་ཚོ། རྒྱབ་རི་རྩེ་ནས་བསང་མཆོད་ལན་གསུམ་འབུལ།

བསོ་་་་་་གྲོགས་པོ་ཚོ། ཕེབས་ཤོག་ཕེབས་ཤོག་གངས་ལྗོངས་འདི་རུ་ཕེབས་ཤོག

བསོ་་་་་་གྲོགས་པོ་ཚོ། ཕེབས་ཤོག་ཕེབས་ཤོག་གངས་ལྗོངས་འདི་རུ་ཕེབས་ཤོག