卓姆勒 - 央金拉姆

词：无名者

曲：仁青闹日

音乐宣传：谢旦贴吧工作室

ངས་ཕུགས་བསམ་ཕུགས་བསམ་ཟེར་ནས།།

གྲོང་ཆེན་པོ་ཉུལ་ནས་འགྲོ་དུས།།

ངའི་ཕུགས་བསམ་འབྲི་མོའི་བཞོ་དབྱངས།།

སྦྲ་ནག་པོའི་འདབས་ན་ལུས་འདུག།

ངས་འཚོ་བ་འཚོ་བ་ཟེར་ནས།།

རྒྱུ་འབྱོར་བ་དོན་ལ་གཉེར་དུས།།

ངའི་འཚོ་བ་སེར་ཆེན་མེ་ཏོག།

སྤང་ཡངས་པོ་ཞིག་ན་ལུས་འདུག།

ངས་མི་ཚེ་མི་ཚེ་ཟེར་ནས།།

ལོ་ཟླ་བར་ལག་སྙོབ་བྱེད་དུས།།

ངའི་མི་ཚེ་གསེར་གྱི་ཞུན་མ།།

མ་བཟང་མོའི་རུམ་ན་ལུས་འདུག།

ངས་གོམ་གསུམ་ཕར་ལ་སྤོ་དུས།།

ལམ་དོག་མོ་ཐེམ་ས་མ་རེད།།

ཕྱིར་འཁོར་ནས་ཡུལ་ལ་ལྟ་དུས།།

རྫ་ཁྲ་ཁྲ་ཚེར་ཤུལ་ཙམ་རེད།།

ངས་རྫི་གླུ་དབྱངས་སུ་གྱེར་ན།།

ཨ་འབྲོག་མོ་འབྲོག་མོ་ཟེར་གི།

ངས་ལྷས་ར་སྐྱུར་ནས་འགྲོ་དུས།།

ཨ་འབྲོག་མོ་འབྲོག་མོ་གསུངས་གི།།

ངས་ལས་དབང་ལས་དབང་ཟེར་ནས།།

དགུང་སྔོན་པོ་ཐོད་ལ་བཀུར་དུས།།

ངའི་ལས་དབང་ཐོད་པའི་ཁ་ཡིག།

སྒྲུང་རིང་མོ་ཞིག་ལས་གསལ་ཡོང་།།